هما وردتين

هما وردتين ... بس وردتين

عندى بالدنيا كلها

هما وردتين ... بس وردتين

كبروكى فى نظرى أكتر

هما وردتين ... بس وردتين

خلونى أحبك أكتر

شكرا يا أحلى وردة

على أحلى وردتين

ذات مرة وقع طائر في غرام وردة بيضاء

وقررأن يصارحها بحبه ، ولكنها رفضت .

وقالت أنا لا أحبك .

فظل يصارحها بحبه بشكل يومي.

وأخيراً قالت الوردة البيضاء : عندما يصبح لوني أحمر سوف أحبك .

وفي أحد الأيام أتى الطائر وقطع جناحيه ونشر دمه على الوردة البيضاء فتحول لونها إلى الأحمر .

فأدركت الوردة كم أحبها الطائر ، لكن الوقت كان قد فات لأن الطائر كان قد مات .

لذلك عليك محبة واحترام مشاعر الشخص الذي يحبك قبل ان يفوت الاوان.

كل شيىء راح

كل شيىء راح راح و أنقضى

و اللى بينا خلاص مضى .. خلاص مضى

بس وحياة اللى فات .. و اللى أصبح ذكريات

عمرى ما حبيت و لا أتمنيت غيرك أنت يا حبيبى .. يا حبيبى

بس و حياة اللى كان بينا و راح

و اللى مش قادرة أصدق إنه راح

عمرى ما أنشغلت عنك حتى لما زعلت منك

غصب عنى قلبى فاتنى و راح مسامحك

أيوة و حياة اللى كان بينا و ضاع

و اللى ما اعرف كان لقا و لا وداع

قلبى كان وياك فى بعدك

زى ما كان لك فى قربك

بكرة تندم

لاء يا رب فى يوم ما تندم

حب و افرح بس أوعى تانى تجرح

بس و حياة اللى فات و اللى أصبح ذكريات

عمرى ما حبيت و لا أتمنيت غيرك أنت

يا حبيبى .. يا حبيبى

نجاة *

كنت بحلم

كنت بحلم معاك ببيت مش مهم كبير و لا حتى صغير بس يكون بيتنا سوى و نملاه حب و هنا و دفى

و نحط فى كل ركن فيه و ردة او مش مهم لو حتى يكون ما فيش فى البيت غير وردة واحدة بس المهم

نرعاها سوى .. نرويها سوى .. و احنا الاتنين نكبرها سوى

***************

كنت بحلم بهى دبلة .. بس دبلة .. مش كنت عايزة اكتر من كدة بس المهم أى حاجة تربطنى بيك

كنت بسمع إن الدبلة طوق .. لكن عندى أنا .. كانت حتبقى أيوة طوق بس طوق فل و ياسمين يزين أيدى

و يفكرنى دايما بيك

***************

كنت بحلم بأحلى بنت و أحلى ولد حيربطونا ببعض أكتر

حتى طريقة تربيتهم حلمت بيها

كنت بحلم نجيب دكاترة .. مهندسين .. و لا حتى مدرسين

بس المهم يكونوا أوى متربين .. متدينين .. و يفكرونى دايما بيك

***************

كنت بحلم يكون لينا هدف نحارب .. نتعب أوى .. نشقى أوى علشان نوصل لأى حاجة

و يوم ما نوصل للهدف نفرح سوى

و لو ما وصلناش لأى حاجة نزعل سوى بس مش حنحزن أوى

علشان إحنا الأتنين حنكون سوى

***************

كنت بحلم ندخل الجنة سوى .. أيدى فى أيديك

نحفظ كتاب ربنا مع بعضنا .. و تصلى كمان بية إمام

كنت بحلم نطرد الشيطان سوى .. و نبعد عن جهنم احنا الاتنين بردوا سوى

و يوم لما تقع أشدك أنا .. و لما أقع تشدنى لبر الأمان

***************

كنت بحلم تدخل بيتنا .. تقابل أبويا .. تكلم أخويا

كنت بحلم أقابلك مرة .. مرة و احدة

أنا أسفة على التطويل .. أصلى حلمت بحاجات كتير بس أحلى حاجة فيها

إن إحنا دايما كنا سوى

***************

بس للأسف صحيت من نومى مفزوعة على كلمة

كنت دايما بحبها .. مش عارفة ليه منك أنت أستغربتها

صحيت على كلمة أنتى أختى .. أيوة أختى

و طلعت إنى

كنت بحلم

هههههههههههههههههههههههههههههههههههههه

لف و دور

لف و دور .. روح و شوف .. و حاول تدور .. يمكن تلاقى :

يمكن تلاقى حد يكون زى أنا

يمكن تلاقى حد يحبك زى ما كنت بحبك أنا

يمكن تلاقى حد جميل .. ساذج .. برىء .. أخ و صديق و كمان حبيب زى أنا

يمكن تلاقى حد يخاف عليك و لا يهتم بيك أو يقلق عليك زى ما كنت بعمل أنا

يمكن تلاقى حد همه تكون سعيد .. تكون مرتاح .. فى أحسن حال زى ما كان همى أنا

لف و دور .. روح و شوف .. و حاول تدور .. يمكن تلاقى بس صدقنى صعب أوى

أصل الطيب و الحنين و اللى قلبه كبير مش موجود فى زماننا ده

اللى يخاف و اللى يداوى و اللى شايل هم غيره حاجة بقت نادرة أوى

اللى يضحى بكل شيىء .. بلمة أهله .. بطينة بلده .. بكل اللى بيحبوه علشان نظرة رضا لازم نتمسك بيه أوى

بس لف و دور .. روح و شوف .. يمكن تلاقى

و يوم ما حترجع تانى ليا

حتلاقى قلبى خلاص قفل

و سلعة الحب و الحنية خلصت و أنتهت

و راحت للى يقدر غلاويتها و يعرف يحافظ على قيمتها

لكن لف و دور .. و روح و شوف .. و حاول تدور .. يمكن تلاقى زى أنا

و الله معك .

لماذا........ ؟

لماذا........ ؟

لماذا أصبحنا لا نخاف على مشاعر بعضنا ؟

لماذا جرح أى حد سواء قريب مننا أو حتى بعيد عننا أصبح شيىء هين جدا ؟

ليه ما بقاش فيه حد بيخاف على التانى ؟

ليه أجمل صفات فى البنى آدمين و هى الحب و الحنان و الخوف على الغير بقت شيىء رخيص أوى و مش ليه أى قيمة ؟

ليه بقى جرح الغير و الأساءة ليه و الأستهانة بكرامته و عدم احترامه هو الشيىء السائد ؟

ليه بقينا بنتلذذ و إحنا شايفين غيرنا بينكسر قدامنا ؟

ليه لما بنقابل حاجة حلوة فى حياتنا مش بنتمسك بيها كويس اوى ؟

و نحاول بكل طاقتنا و جهدنا إننا مش نضيعها من إيدينا ؟

منين بنجيب القوة و الطاقة اللى تخلينا نأذى الحاجة الحلوة دى و نكسرها و نجرحها أوى ؟

ليه مش بنحاول نحافظ عليها حتى من نفسنا ؟

ليه الناس بقت كدة ؟

ليه ؟؟؟ و ليه ؟؟؟ و ليه ؟؟؟

" اللهم لا تسلط علينا بذنوبنا من لا يخافك فينا و لا يرحمنا "