بجد بحبه أوى

أنا بقالى كتير أوى ما دخلتش على البلوج بتاعى و ما كتبتش عليه أى حاجة يمكن بقالى سنتين
بس أنا كنت مشغولة شوية
كنت مشغولة بأحسن حاجة حصلتلى فى حياتى و هى إنى قابلت فارس احلامى
بالرغم إنى كنت بعتقد إنى ما فيش حاجة أسمها فارس أحلام
و من كتر اللى كنت بسمعوه من أصحابى و قاريبى و بشوفه حسيت إن الشخص اللى عنده صفات الفارس
ده أنتهى و بقى فعلا فى القصص بس
بس تصدقوا إنه طلع بجد
بس كل شيء بأوانه
أنا دلوقتى قعدت أقرأ فى كل حاجة كتبتها على المدونة
و أستغربت إنى كانت حالتى كدة من سنتين
بس بجد سبحان مغير الأحوال
الحمد لله على كل شيء
إنى أحمد الله على نعمة الصحة و الأهل و الأمان و العلم و العمل
و طبعا إن تعدوا نعمة الله لا تحصوها علشان كدة مش حقدر أقول كل حاجة
بس كمان عايز احمد ربنا أوووووووووووووى على نعمة الحب و إنك تلاقى حد يحبك أوى بجد و يخاف عليك بجد و يهتم بيك و يحطك جوا عينيك و أنت كمان تحبه أوى و تتعلق بيه أوى بجد بحبه أوى و بشكر ربنا عليه كل يوم
الحمد لله الذى رزقنى الشريك الصالح و أدعوه أن يرزقنى الابن البار من هذا الشخص الصالح